ഓലപ്പുര
പൊളിച്ച്
വാര്‍പ്പിട്ടതറിയാതെ
ഇറയത്തു
കളിക്കാനായി
ആകാശത്തു നിന്നും
മുറ്റത്തേക്കു പോന്ന
ഒരു മഴത്തുള്ളിയാണു
ഞാന്‍.,
ഇന്റർ ലോക്ക്
കട്ടകളില്‍ വീണു
തൊലിയുരഞ്ഞു
പൊട്ടും മുമ്പേ
ഏതു പഴയ
കളിച്ചങ്ങാതിയാണെന്നെ
ഒന്നു കൈ പിടിച്ചു
തിരികെ
കൊണ്ടു പോകുക..?
ആ മഴത്തുള്ളിയെ പോറലേല്‍ക്കാതെ മനസ്സെന്ന താമരക്കുമ്പിളിലേറ്റുവാങ്ങാന്‍ കളിച്ചങ്ങാതിമാരെ കാത്തിരിക്കരുത്! -അവര്‍ ഇന്നലെകളിലേക്കു മടങ്ങാറില്ല!
ReplyDeleteഉമ്പാച്ചീ, ഇവിടെ മുതല്‍ ഞാന്‍ നിങ്ങളെ വായിച്ചു തുടങ്ങുന്നു.
ReplyDelete