സ്വര്‍ഗീയം

ഞാനാണ് കട്ടുറുമ്പ്
സ്വര്‍ഗസ്ഥനായിരുന്നു മുമ്പ്

ആറ്റിറമ്പിലും
പൂമരച്ചോട്ടിലും
അവരിരുവരും
പ്രണയം പോലുമാകാതെ
നടന്നു,
നഗ്നത മാത്രം
കണ്ടു കണ്ടു മടുത്ത്
ഒരു കുറിപ്പെഴുതിവച്ച് ഞാന്‍
നാടുവിട്ടു

വൈകാതെ
അവരുമിങ്ങെത്തി
പച്ചിലയില്‍ പൊതിഞ്ഞ
അവരുടെ
പരിഭവങ്ങള്‍
അന്നേ കണ്ടു നില്‍ക്കാനായില്ല

അന്നു തുടങ്ങിയതാണേ
ഈ തിരക്കിട്ടുള്ള നടത്തം
ഇവിടെ സ്വര്‍ഗം
തീര്‍ക്കൂന്നവരോടുള്ള ഈ അസൂയ...
അതു കൊണ്ടവരെ തേടിപ്പോകുന്നു
ഒന്ന് ചെറുങ്ങനെ അലോസരപ്പെടുത്തണം
അതവര്‍ക്കും ഒരു രസം.

8 comments:

  1. ഒരു കുറിപ്പെഴുതിവച്ച് ഞാന്‍
    നാടുവിട്ടു

    വൈകാതെ
    അവരുമിങ്ങെത്തി
    പച്ചിലയില്‍ പൊതിഞ്ഞ
    അവരുടെ
    പരിഭവങ്ങള്‍
    അന്നേ കണ്ടു നില്‍ക്കാനായില്ല

    ReplyDelete
  2. ഏത് സ്വര്‍ഗ്ഗത്തിലാ ഇപ്പോ കട്ടുറുമ്പ്...?

    ReplyDelete
  3. "ഇവിടെ സ്വര്‍ഗം
    തീര്‍ക്കൂന്നവരോടുള്ള ഈ അസൂയ...
    അതു കൊണ്ടവരെ തേടിപ്പോകുന്നു
    ഒന്ന് ചെറുങ്ങനെ അലോസരപ്പെടുത്തണം
    അതവര്‍ക്കും ഒരു രസം."

    നന്നായിരിക്കുന്നു..:)

    ReplyDelete
  4. ഉമ്പാച്ചീ..നല്ല കവിത
    അഭിനന്ദനങ്ങള്‍

    ReplyDelete
  5. നന്നായിരിക്കുന്നു
    :)

    ReplyDelete
  6. ഉമ്പാച്ചി.. കട്ടുറുമ്പ് കടിച്ചിരിക്കുന്നു..നല്ല സുഖം

    വരിയില്‍ വടകരക്കാരനാണെന്നു തെളിയുന്നു.

    ReplyDelete
  7. കട്ടുറുമ്പെഴുത്തിന് നല്ല നീറ്റല്‍...

    ReplyDelete
  8. “അന്നു തുടങ്ങിയതാണേ
    ഈ തിരക്കിട്ടുള്ള നടത്തം“

    ഇതു വായിച്ചപ്പോ കണ്ണറീയാതെ വലത്തോട്ട് നോക്കി :)

    നന്നായിട്ട്ണ്ട്

    ReplyDelete